థియేటర్‌లలోకి ఆదర్శ కుటుంబం.. వెంకటేష్ మూవీ రిలీజ్ ఎప్పుడంటే?


త్రివిక్రమ్ శ్రీనివాస్ దర్శకత్వంలో టాలీవుడ్ అగ్ర కథానాయకుడు విక్టరీ వెంకటేష్ హీరోగా నటించిన మూవీ ఆదర్శ కుటుంబం. కేజీఎఫ్ ఫేమ్ శ్రీనిధి శెట్టి హీరోయిన్‌గా నటించారు. ఫ్యామిలీ ఎంటర్‌టైనర్‌గా తెరకెక్కిన ఈ సినిమాను గాంధీ జయంతి కానుకగా అక్టోబర్ 2న విడుదల చేయాలని భావించారు. కానీ కొన్ని పనులు పెండింగ్‌లో ఉండటంతో సినిమా విడుదల వాయిదా పడింది. ఆ తర్వాత అక్టోబర్ 9న విడదల అవుతుందని  ప్రచారం జరిగింది. కానీ అప్పుడు కూడా వాయిదాపడి చివరికి అక్టోబర్ 30వ తేదీన ఆదర్శ కుటుంబం విడుదల అవుతుందని చిత్ర యూనిట్ అధికారికంగా ప్రకటించింది. 

వెంకటేష్ గతంలో నటించిన క్లాసిక్ చిత్రాలు నువ్వు నాకు నచ్చావు, మల్లీశ్వరి సినిమాలకు త్రివిక్రమ్ కథ, సంభాషణలు అందించారు. దాదాపు 20 ఏళ్ల తర్వాత వెంకటేశ్‌తో త్రివిక్రమ్ కలిసి పనిచేస్తున్నారు. అంతేకాదు.. త్రివిక్రమ్ దర్శకత్వంలో వెంకటేష్ నటిస్తోన్న తొలి సినిమా ఇదే కావడం విశేషం. దాంతో ఆదర్శ కుటుంబంపై చిత్ర పరిశ్రమలో భారీ అంచనాలు నెలకొన్నాయి. 

నారా రోహిత్, రావు రమేశ్, నివేదా పెతురాజ్‌లు ఈ సినిమాలో కీలక పాత్రలు పోషిస్తున్నారు. థమన్ సంగీత దర్శకత్వం వహిస్తున్నారు. హారిక అండ్ హాసినీ క్రియేషన్స్ బ్యానర్‌పై ఎస్ రాధాకృష్ణ ఈ సినిమాను నిర్మిస్తున్నారు. ఇప్పటికే రెండు సార్లు వాయిదా పడిన ఆదర్శ కుటుంబం చిత్రం అక్టోబర్ 30న రిలీజ్ అవుతుందా? లేదా? అనేది చూడాలి. 




తొలిరోజే టాస్క్‌లతో రణరంగంలా బిగ్‌బాస్ 10.. మేజిక్‌ కీలను గెలుచుకున్నదెవరు?

 


బిగ్‌బాస్ తెలుగు సీజన్ 10 ఘనంగా ప్రారంభమైంది. 10 మంది సెలబ్రిటీలు, 6 మంది కామనర్స్ కలిపి మొత్తం 16 మంది ఈసారి కంటెస్టెంట్స్‌గా హౌస్‌లో అడుగుపెట్టారు. సెలబ్రిటీ కేటగిరీలో దేబ్‌జనీ మోదక్, టెంపర్ వంశీ, కృష్ణుడు, చైత్రా రాయ్, ఆటో రాంప్రసాద్, జబర్దస్త్ నరేష్, త్రిగుణ్, సుధీర్ రెడ్డి, వర్షిణి సౌందరరాజన్, ముఖేష్‌ గౌడలు కంటెస్టెంట్స్‌గా వచ్చారు. ఇక కామనర్స్ ప్రోగ్రామ్‌లో భాగంగా అగ్నిపరీక్ష సీజన్ 2లో ఫైనల్ లిస్టులో చేరిన 13 మందిలో 6గురిని హౌస్‌లోకి పంపారు. వారు సింగర్ ఝాన్సీ, అమన్, చరణ్, సృష్టి, షాలిని, రోహిత్‌. 

ప్రతి సీజన్‌లోనూ కంటెస్టెంట్స్ అంతా వచ్చిన తర్వాత రెండో రోజు నుంచి టాస్క్‌లు మొదలవుతాయి. కానీ ఈ సీజన్‌లో మాత్రం లాంచింగ్ ఎపిసోడ్ రోజునే టాస్క్‌లు మొదలెట్టారు కింగ్ అక్కినేని నాగార్జున. దీనిలో భాగంగా బిగ్‌బాస్ హౌస్‌ చూపించడానికి వెళ్లిన నాగ్.. తనతో పాటు గార్డెన్ ఏరియా మాదిరిగా ఉన్న రూమ్‌లోకి ఓ కీని పట్టుకుని వెళ్లారు. ఈసారి ఆట మొత్తం ఈ మేజిక్ కీతోనే ఉందని చెప్పిన ఆయన 10 బాక్స్‌లు చూపించారు. ఇందులో ఓ బాక్స్‌ను తన దగ్గరున్న కీతో ఓపెన్ చేయగా అందులో ఈ కీ ల గురించి, ఈ బాక్స్‌లు ఓపెన్ చేయడం వల్ల వచ్చే పవర్స్ గురించి చదివి వినిపించారు. 

ఆ తర్వాత హౌస్‌లోకి వచ్చిన తొలి నలుగురు కంటెస్టెంట్స్‌ దేబ్‌జనీ మోదక్, త్రిగుణ్, సుధీర్ రెడ్డి, సింగర్ ఝాన్సీలను గార్డెన్ ఏరియాకి పిలిపించి వారికి మేజిక్ కీ గురించి చెప్పి టాస్క్ ఇచ్చారు. 

దీని ప్రకారం వారి ఎదురుగా డైమండ్ షేపులో ఉన్న పజిల్, బాక్స్‌ పెట్టారు. బజర్ మోగగానే వారి ముందున్న బాక్స్‌లు పగలగొట్టి వాటి ఉన్న బిగ్‌బాస్ 10 అనే ఇంగ్లీష్ అక్షరాలు ఉన్న బాక్స్‌లను తీసుకోవాలి. వాటిని డైమండ్ షేపులో సరిగ్గా అమర్చాలి. బజర్ మోగే లోగా ఎవరైతే ఫస్ట్ పూర్తి చేస్తారో వాళ్లకి కీ దొరుకుతుంది. ఈ టాస్క్‌లో తొలుత త్రిగుణ్ గెలవగా.. ఆ తర్వాత సింగర్ ఝాన్సీ గెలిచి కీని సొంతం చేసుకుంది. 

ఆ తర్వాత హౌస్‌లోకి వచ్చిన మరో నలుగురు కంటెస్టెంట్స్ చైత్రారాయ్, ఆటో రాంప్రసాద్, శాలిని, అమన్‌లకు కూడా కీ టాస్క్ పెట్టారు. అయితే అమన్‌కు అంతకుముందు నాగార్జున ఇచ్చిన టాస్క్‌ను పూర్తి చేయకపోవడంతో అతనిని ఈ టాస్క్ నుంచి ఎలిమినేట్ చేస్తున్నట్లు కింగ్ ప్రకటించారు. ఈ టాస్క్‌లో భాగంగా కంటెస్టెంట్స్ ముందు రంధ్రాలున్న బోర్డ్ పెట్టి వాటిలో నుంచి బంతిని అందుకుంటూ ఒక బాక్స్‌లో వేయాలి. ఎవరైతే ముందుగా పడేస్తారో వారికే మేజిక్ కీలు దొరుకుతాయి. ఈ టాస్క్‌లో రాంప్రసాద్, షాలినీలు గెలిచి కీలు సొంతం చేసుకున్నారు.

ఆ తర్వాత వంశీ, చరణ్, సృష్టి, పొట్టి నరేష్‌ల ముందు గోల్డెన్ ఎగ్స్ పెట్టి ఒక్కొక్కరితో వాటిని పగలగొట్టారు. వారిలో చరణ్, సృష్టిలకు ఉడకబెట్టిన గుడ్డులు వస్తాయి. దాంతో నరేశ్, వంశీలలో ఒకరిని తమతో పాటు టాస్క్‌కి తీసుకెళ్లాలని నాగార్జున చెప్పారు. దాంతో వారిద్దరూ ఆలోచించుకుని నరేశ్ అయితే తమకు పోటీ ఉండరు అనుకుని అతనిని సెలెక్ట్ చేసుకున్నారు. అనంతరం గార్డెన్ ఏరియాకు ముగ్గురిని పిలిచి వారికి ఓ ఐరన్ రాడ్ తిప్పి దాని కిందపడే రింగులను, ఎదురుగా ఉన్న మూడు హుక్స్‌పై కరెక్ట్‌గా పడేలా వేయాలని టాస్క్ పెట్టారు. ఈ టాస్క్‌లో సృష్టి, పొట్టి నరేశ్‌లు గెలిచి కీలు సొంతం చేసుకున్నారు. 

అయితే చివరిలో వచ్చిన వర్షిణి సౌందరాజన్, కృష్ణుడు, ముఖేష్ గౌడ, రోహిత్‌లకు మేజిక్ కీ గెలుచుకునే టాస్క్ ఇచ్చారు. ఈ టాస్క్‌కు వంశీ సంచాలక్‌గా వ్యవహరించారు. టాస్క్‌లో భాగంగా ఒక రింగ్‌కు అటు ఇటూ తాళ్లు కట్టి ఉంటాయి. వాటిని ఇద్దరు పట్టుకుని మధ్యలో బంతిని పెట్టి దానిని నెట్‌లో వేయాలి.. బజర్ మోగేసరికి ఎవరు ఎక్కువ బంతులు వేస్తారో వారు గెలిచినట్లు అని వంశీ చదివి వినిపించారు. 

ముఖేష్- వర్షిణి, కృష్ణుడు- రోహిత్‌లు ఒక జోడీగా టాస్క్ ఆడారు. ఈ టాస్క్‌లో ముఖేష్-వర్షిణి గెలిచి మేజిక్ కీలను సొంతం చేసుకున్నారు. ఓవరాల్‌గా త్రిగుణ్, సింగర్ ఝాన్సీ, ఆటో రాంప్రసాద్, శాలిని, సృష్టి, పొట్టి నరేశ్, వర్షిణి, ముఖేష్ గౌడతో కలిపి 8 మంది మేజిక్ కీలను గెలుచుకున్నారు. మరో రెండు కీలు బ్యాలెన్స్ ఉండగా వాటిని ఎవరు సొంతం చేసుకుంటారో చూడాలి. 


నటుడు ప్రదీప్ రావత్ కన్నుమూత.. ఛత్రపతి విలన్ మరణానికి కారణమేంటీ?

 


ప్రముఖ నటుడు ప్రదీప్ రావత్ కన్నుమూశారు. ఆయన వయసు 74 సంవత్సరాలు. ఆగస్ట్ 4వ తేదీన గుండెపోటుతో ప్రదీప్ రావత్ ముంబైలో తుదిశ్వాస విడిచారు. తెలుగుతో పాటు పలు భాషల్లో ఆయన నటించారు. ఎక్కువగా ప్రతినాయక పాత్రలతో ప్రదీప్ తనదైన ముద్రవేశారు. ఆయన మృతి పట్ల సినీ ప్రముఖులు సంతాపం తెలియజేస్తున్నారు. 

ప్రదీప్ రావత్ ప్రస్థానం:

1952 జనవరి 21న మధ్యప్రదేశ్‌లోని జబల్‌పూర్‌లో జన్మించారు ప్రదీప్ రావత్. ఆయన అసలు పేరు ప్రదీప్ సింగ్ రావత్. తొలుత హిందీలో అతిబార్ అనే సినిమాతో తన ప్రస్థానాన్ని ప్రారంభించిన ఆయన చిన్నాచితకా పాత్రలు పోషిస్తూ వచ్చిన ప్రతి అవకాశాన్ని సద్వినియోగం చేసుకుంటూ వచ్చారు. ఈ క్రమంలో బుల్లితెరపై అడుగుపెట్టిన ప్రదీప్ రావత్.. బీఆర్ చోప్రా తెరకెక్కించిన ఫేమస్  సీరియల్ మహాభారత్‌లో అశ్వత్థామగా నటించారు. దూరదర్శన్‌లో ప్రసారమైన ఈ ధారావాహికతో ప్రదీప్ రావత్‌కు మంచి పేరు వచ్చింది. ఆ తర్వాత తెహల్కా, చంద్రకాంత, యుగ్, గుల్ సానోబార్, మిషన్  ఫ్రెష్ తదితర సీరియల్స్‌లో నటించారు.

2001లో బాలీవుడ్ సూపర్‌స్టార్ అమీర్‌ఖాన్ నటించిన లగాన్‌లోనూ ప్రదీప్ రావతో కీలకపాత్ర పోషించారు. 2004లో ఎస్ఎస్ రాజమౌళి దర్శకత్వంలో వచ్చిన సై చిత్రంతో తెలుగువారిని పలకరించిన ఆయన భిక్షు యాదవ్‌గా ప్రేక్షకులను భయపెట్టారు. ఈ సినిమాకు గాను ఉత్తమ విలన్‌గా ఫిల్మ్‌ఫేర్, నంది అవార్డులను అందుకున్నారు. ఆ తర్వాత ఛత్రపతితో ప్రదీప్  రావత్ క్రేజ్ ఆకాశాన్ని తాకింది. పవర్‌ఫుల్ విలన్‌గా, ప్రభాస్‌కు ధీటుగా నటించి విమర్శకుల ప్రశంసలు దక్కించుకున్నారు.

ఆ తర్వాత భద్ర, స్టాలిన్, దేశముదురు, యోగి, గజినీ, మస్కా, రెబల్, నిప్పు, నాయక్, వన్ నేనొక్కడినే, నేను శైలజ, సరైనోడు, నేనే రాజు నేనే మంత్రి, జై లవకుశ, నా పేరు సూర్య, వాల్తేర్ వీరయ్య తదితర తెలుగు సినిమాలలో నటించారు. చివరిసారిగా ఈ ఏడాది విడుదలైన గాయపడ్డ సింహం సినిమాలో ప్రదీప్ రావత్ తెలుగులో నటించారు. 40 ఏళ్ల కెరీర్‌లో తెలుగుతో పాటు హిందీ, తమిళ్, కన్నడ, మలయాళం, ఇంగ్లీష్, ఒడియా, బెంగాలీ, భోజ్‌పురి, నేపాలీ, మరాఠీ భాషలలో ఆయన వందలాది చిత్రాల్లో నటించారు. 

ప్రదీప్ రావత్‌కు భార్య కళ్యాణి రావత్, పిల్లలు విక్రాంత్ రావత్, సింగ్ రావత్ ఉన్నారు. ప్రదీప్ భార్య కళ్యాణి తెలుగు అమ్మాయే కావడం విశేషం. హీరోయిన్లను మించిన అందంతో మెరిసిపోయే కళ్యాణి.. చాలా లో ప్రొఫైల్ మెయింటైన్ చేస్తారు. తన నటనతో కోట్లాది మందిని అలరించిన ప్రదీప్ రావత్ మరణం పట్ల సినీ ప్రముఖులు, అభిమానులు సంతాపం తెలియజేస్తున్నారు. 




సాయిపల్లవి క్రేజ్.. రామాయణకు లేడీ పవర్‌స్టార్‌కు రికార్డ్ రెమ్యునరేషన్?

 


గ్లామర్ షో, ఇంటిమేట్ సీన్స్‌కు దూరంగా ఉంటూ స్టార్ హీరోయిన్‌గా సత్తా చాటవచ్చని నిరూపించారు లేడీ పవర్‌స్టార్ సాయిపల్లవి. ఇష్టమొచ్చిన కథలను ఎంచుకోకుండా తనకు మనసుకు నచ్చిన, కథాబలమున్న పాత్రలనే చేస్తూ అరుదైన వ్యక్తిత్వంతో కోట్లాది మంది అభిమానులను సంపాదించుకున్నారు సాయిపల్లవి. అందం, డ్యాన్స్, నటన ఇలా ఏ విషయంలోనైనా తనకు తిరుగులేని నిరూపించుకున్నారు ఈ ముద్దుగుమ్మ.

దక్షిణాదిలో ఎదురులేదని ప్రూవ్ చేసుకున్న సాయిపల్లవి.. ప్రస్తుతం బాలీవుడ్‌లో జెండా ఎగరవేసేందుకు ప్రయత్నిస్తున్నారు. ఈ ఏడాది ఏక్ దిన్‌తో హిందీ ఫిల్మ్ ఇండస్ట్రీలో అడుగుపెట్టిన సాయిపల్లవి అనుకున్న రిజల్ట్ రాబట్టలేకపోయారు. అయితే రణబీర్ కపూర్ హీరోగా నితేశ్ తివారీ దర్శకత్వంలో తెరకెక్కుతోన్న ఈ సినిమాలో సాయి పల్లవి అకాశం దక్కించుకున్నారు. ఇందులో సీతగా ఆమె నటిస్తున్నారు. 

దాదాపు 4000 కోట్ల భారీ బడ్జెట్‌తో రెండు భాగాలుగా ఈ సినిమా ప్రేక్షకుల ముందుకు రానుంది. దీపావళి కానుకగా నవంబర్ 6న రామాయణ తొలి భాగం ప్రేక్షకుల ముందుకురానుంది. ఈ ప్రతిష్టాత్మక సినిమా కోసం సాయి పల్లవి రెండేళ్లకు పైగా సమయం వెచ్చించారు. అయితే సీతగా సాయి పల్లవిని తీసుకోవడంపై హిందీ జనాలు, సినీ ప్రముఖులు దారుణంగా ట్రోలింగ్ చేస్తున్నారు. ఇవేవీ పట్టించుకోకుండా తన పని తాను చేసుకుపోతున్నారు లేడీ పవర్‌స్టార్.

అయితే రామాయణ కోసం సాయి పల్లవి రెమ్యునరేషన్ ఇప్పుడు చిత్ర పరిశ్రమలో చర్చనీయాంశంగా మారింది. బాలీవుడ్ వర్గాలు చెబుతున్న దాని ప్రకారం రామాయణ రెండు భాగాలకు కలిపి సాయి పల్లవికి 20 కోట్ల రూపాయల పారితోషికం అందుకున్నట్లుగా వార్తలు వస్తున్నాయి. ఒక దక్షిణాదికి చెందిన హీరోయిన్‌కు బాలీవుడ్‌లో ఈ స్థాయిలో రెమ్యునరేషన్ అందించడం సాధారణ విషయం కాదని అంటున్నారు విశ్లేషకులు ఆశ్చర్యపోతున్నారు. ఈ దెబ్బతో భారత్‌లో అత్యధిక పారితోషికం తీసుకునే ప్రియాంక చోప్రా, దీపిక పదుకొణె, ఆలియా భట్, నయనతార, రష్మిక మందన్న వంటి స్టార్ హీరోయిన్ల సరసన సాయి పల్లవి స్థానం సంపాదించుకున్నారు. 


NBK 111: గోపీచంద్ మలినేని మూవీ షూటింగ్‌.. బాలయ్యకు గాయం

 


గాడ్ ఆఫ్ మాసెస్ నందమూరి బాలకృష్ణ 66 ఏళ్ల వయసులోనూ వరుస సినిమాలతో దూసుకెళ్తున్నారు. గతేడాది చివరిలో అఖండ 2తో ప్రేక్షకులను పలకరించిన బాలయ్య ప్రస్తుతం భారీ లైనప్‌ని సెట్ చేశారు. తనతో వీరసింహారెడ్డి మూవీని తెరకెక్కించిన గోపీచంద్ మలినేనితో ఎన్‌బీకే 111 అనే మూవీలో నటిస్తున్నారు. ఇందులో కాజల్ అగర్వాల్ హీరోయిన్‌గా చేస్తున్నారు. వృద్ధి సినిమాస్ బ్యానర్‌పై వెంకట సతీష్ కిలారు ఈ సినిమాను  నిర్మిస్తున్నారు. ఇది కాకుండా టాలీవుడ్ స్టార్ డైరెక్టర్ కొరటాల శివ దర్శకత్వంలో బాలయ్య ఓ సినిమాకు గ్రీన్ సిగ్నల్ ఇచ్చారు. ఇటీవలే అమరావతిలో బాలకృష్ణ - కొరటాల శివ సినిమా పూజా కార్యక్రమాలతో ప్రారంభమైంది. 

ఎన్‌బీకే 111 షూటింగ్‌ను వీలైనంత త్వరగా పూర్తి చేసి రిలీజ్‌కు సిద్ధం చేయాలని బాలకృష్ణ భావిస్తున్నారు. యాక్షన్, మాస్ మసాలా మూవీగా తెరకెక్కుతోన్న ఈ సినిమాలో బాలయ్య గ్యాంగ్‌స్టర్‌గా  నటిస్తున్నారని ఫిలింనగర్ వర్గాలు చెబుతున్నాయి. ప్రస్తుతం ఈ సినిమా షూటింగ్ కాకినాడ పోర్ట్ పరిసరాల్లో జరుగుతోందట. ఇక్కడ బాలయ్య - మంచు విష్ణుల మధ్య కీలకమైన యాక్షన్ సీక్వెన్స్ చిత్రీకరిస్తున్నారట గోపీచంద్. 

అయితే జూలై 21న షూటింగ్‌లో బాలయ్య ప్రమాదవశాత్తూ కాలుజారి కిందపడిపోవడంతో ఆయన మోకాలికి స్వల్ప గాయమైనట్లుగా వార్తలు వస్తున్నాయి. వెంటనే స్పందించిన చిత్ర యూనిట్.. షూటింగ్‌ను నిలిపివేసి బాలయ్యను హుటాహుటిన ఆసుపత్రికి తరలించారట. ప్రాథమిక చికిత్సతో పాటు ఇతర టెస్టులు కూడా నిర్వాహించారని, కొద్దిరోజులు విశ్రాంతి తీసుకోవాలని వైద్యులు బాలయ్యకు సూచించారట. దాంతో బాలకృష్ణ త్వరగా కోలుకోవాలని సినీ ప్రముఖులు, అభిమానులు సోషల్ మీడియా ద్వారా పోస్టులు పెడుతున్నారు. 


లెనిన్ హిట్.. భారీగా పెరిగిన భాగ్యశ్రీ రెమ్యునరేషన్?

 

ఎన్ని కష్టాలు ఎదురైనా పట్టువిడవకుండా మన ప్రయత్నం సాగిస్తే ఏదో ఒకరోజు ఖచ్చితంగా విజయం దొరుకుతుందని కొందరి జీవితాలు పాఠాలుగా నిలుస్తాయి. ఈ కోవలకే వస్తారు అఖిల్ అక్కినేని, భాగ్యశ్రీ బోర్సే. దాదాపు 11 ఏళ్లుగా హిట్ కోసం కళ్లు కాయలు కాచేలా ఎదురుచూస్తున్నారు అఖిల్. ప్రతిసారి ఎన్నో అంచనాల మధ్య రావడం ఆ సినిమా కాస్తా పరాజయం పాలవ్వడం షరా మామూలే అన్నట్లుగా తయారైంది. ఈ పరిస్ధితిని మార్చి ఈసారి హిట్ కొట్టాలనే సంకల్పంతో అఖిల్ కష్టపడ్డారు. దానికి ప్రతిఫలమే లెనిన్ మూవీ సక్సెస్.

అఖిల్‌ను నటుడిగా మరో మెట్టుపైకి ఎక్కించిన సినిమాగా, ఆయన కెరీర్‌లో టర్నింగ్ పాయింట్‌‌గా నిలిచింది లెనిన్. ఈ విజయంతో అఖిల్ ఎమోషనల్ అవుతున్నారు. సక్సెస్ సెలబ్రేషన్స్‌లో కంటతడి పెట్టిన ఆయన తన తండ్రి నాగార్జున పాదాలకు నమస్కరించి వెక్కి వెక్కి ఏడ్చారు. ఇక్కడే కాదు ఈవెంట్స్‌లోనూ లెనిన్‌లో విజయం తాలూకా భావోద్వేగం కనిపిస్తూనే ఉంది. ఎట్టకేలకు లెనిన్‌తో తమ హీరో ట్రాక్ ఎక్కేశాడని అక్కినేని అభిమానులు కూడా సంబరాలు చేసుకుంటున్నారు.

ఇక మరొకరు భాగ్యశ్రీ బోర్సే. అందం, అభినయం ఉన్నప్పటికీ కెరీర్ స్టార్టింగ్ నుంచి నేటి వరకు ఈ ముద్దుగుమ్మకు హిట్ దక్కలేదు. దాంతో ఐరన్ లెగ్ అన్న ముద్ర పడింది. మిస్టర్ బచ్చన్ మూవీతో టాలీవుడ్‌లో అడుగుపెట్టారు భాగ్యశ్రీ బోర్సే. తొలి సినిమాతోనే అందం, లుక్స్ పరంగా కుర్రాళ్ల డ్రీమ్ గర్ల్‌ అనిపించుకున్నారు. కానీ మిస్టర్ బచ్చన్ డిజాస్టర్ అయ్యింది. ఆ తర్వాత కింగ్డమ్, ఆంధ్రా కింగ్ తాలూకా, కాంత సినిమాలలో నటించారు. అన్ని స్టార్ హీరోల సినిమాలే.. బాగా చేసిందన్న పేరు తప్పించి ఆమెకు విజయం మాత్రం దక్కలేదు.

ఈ క్రమంలో లెనిన్‌లో భారతిగా ఆఫర్ వచ్చింది. ఫస్ట్ లుక్ నుంచే భాగ్యశ్రీ తన ముద్ర వేయడం ప్రారంభించారు. నాటకాలలో దుర్యోధనుని పాత్ర.. దానవీర శూరకర్ణలోని ఎన్టీఆర్ ఫేమస్ డైలాగ్ ఏమంటివి.. ఏమంటివిని అద్భుతంగా పలికి శెభాష్ అనిపించుకుంది. సినిమా విడుదలయ్యాక అఖిల్‌తో సమానంగా ప్రశంసలు దక్కించుకోవడంతో పాటు కెరీర్‌లో తొలి హిట్ అందుకున్నారు భాగ్యశ్రీ. సక్సెస్ సెలబ్రేషన్స్‌లో భావోద్వేగానికి గురై కంటతడి పెట్టింది ఈ ముద్దుగుమ్మ. తనపై ఐరన్ లెగ్ ముద్ర వేశారని.. కానీ అభిమానులు ఇచ్చిన ప్రోత్సాహం వల్లే ఈరోజు ఇక్కడ నిలబడ్డానని చెప్పారు. హైదరాబాద్ నా కర్మభూమి.. నా చివరి సినిమా కూడా తెలుగు చిత్ర పరిశ్రమ నుంచే ఉంటుందని భాగ్యశ్రీ ఎమోషనల్ అయ్యారు.

లెనిన్ విజయం కారణంగా భాగ్యశ్రీకి అవకాశాలు క్యూకట్టే అవకాశం ఉంది. అంతేకాదు.. తన రెమ్యునరేషన్ కూడా బాగా పెంచేసినట్లుగా ఫిలింనగర్‌లో ఊహాగానాలు వినిపిస్తున్నాయి. లెనిన్‌కు ముందు వరకు సినిమాకు కోటి రూపాయలు పారితోషికం తీసుకున్న ఈ మరాఠీ భామ.. ఇప్పుడు 2 కోట్ల రూపాయల్ని డిమాండ్ చేస్తోందట. అందం, అభినయం, యువతలో ఉన్న క్రేజ్ దృష్ట్యా నిర్మాతలు కూడా భాగ్యశ్రీ ఎంత అడిగితే అంత ఇచ్చేందుకు సిద్ధంగా ఉన్నట్లుగా వార్తలు వస్తున్నాయి. ప్రస్తుతం తమిళంలో సియోన్ మూవీలో నటిస్తున్నారు భాగ్యశ్రీ.


అనిల్ రావిపూడికి కోలీవుడ్ నుంచి బంపరాఫర్? ఆ స్టార్ హీరో 50వ సినిమాకి డైరెక్టర్‌గా?

 

టాలీవుడ్ స్టార్ డైరెక్టర్ హిట్ మెషిన్ అనిల్ రావిపూడి వరుస విజయాలతో మంచి ఊపు మీదున్నారు. చేసిన ప్రతి సినిమా కావడంతో పరాజయం లేని దర్శకుల జాబితాలో చోటు దక్కించుకున్నారు అనిల్. ప్రస్తుతం టాలీవుడ్ అగ్ర కథానాయకుడు విక్టరీ వెంకటేష్, నందమూరి కళ్యాణ్‌రామ్‌లతో కలిసి ఓ సినిమాను తెరకెక్కిస్తున్నారు అనిల్. సంక్రాంతికి ఈ సినిమా విడుదల కానుంది. 

చాలా తక్కువ బడ్జెట్‌తో, అత్యంత వేగంగా సినిమాలు తీయడంలో ఎక్స్‌పర్ట్ అని ముద్ర వేయించుకున్న అనిల్ రావిపూడితో సినిమాలు చేసేందుకు టాలీవుడ్ నుంచి కోలీవుడ్ వరకు బడా నిర్మాతలు, హీరోలు క్యూకడుతున్నారు. తాజాగా వెంకటేష్ - కళ్యాణ్ రామ్ ప్రాజెక్ట్ ముగిసిన వెంటనే ఆయన తదుపరి సినిమాపై అప్పుడే ఊహాగానాలు మొదలయ్యాయి. 

పటాస్ సినిమాతో టాలీవుడ్‌లో దర్శకుడిగా ఎంట్రీ ఇచ్చారు అనిల్. ఆ తర్వాత సుప్రీం, రాజా ది గ్రేట్, ఎఫ్ 2, ఎఫ్ 3, భగవంత్ కేసరి, సరిలేరు నీకెవ్వరు, సంక్రాంతికి వస్తున్నాం, మన శంకర వరప్రసాద్ గారితో సినిమాలతో వరుస హిట్స్‌ని తన ఖాతాలో వేసుకున్నారు. సంక్రాంతికి రావడం హిట్‌ని ఖాతాలో వేసుకుని వెళ్లడం అనిల్‌కి ఆనవాయితీగా మారింది. ఈ ఏడాది సంక్రాంతికి మన శంకర వరప్రసాద్ గారితో సినిమాతో మెగాస్టార్ చిరంజీవికి కెరీర్‌లోనే అతిపెద్ద బ్లాక్‌బస్టర్‌ని అందించాడు అనిల్.

ప్రస్తుతం విక్టరీ వెంకటేష్‌- నందమూరి కళ్యాణ్‌రామ్‌లతో మల్టీస్టారర్ తెరకెక్కిస్తున్నారు అనిల్ రావిపూడి. ఎఫ్ 2, ఎఫ్ 3, సంక్రాంతికి వస్తున్నాం, మన శంకర వరప్రసాద్ గారు తర్వాత అనిల్ - వెంకీ కలయికలో వస్తోన్న నాలుగో సినిమా ఇది. అలాగే పటాస్ అనంతరం లాంగ్ గ్యాప్ తర్వాత నందమూరి కళ్యాణ్‌రామ్‌తో అనిల్ రావిపూడి సినిమా చేస్తుండటం విశేషం. షైన్ పిక్చర్స్, సురేష్ ప్రొడక్షన్స్, జీ స్టూడియో సంస్థలు ఈ సినిమాను నిర్మిస్తున్నాయి. ఈ మూవీలో వెంకటేష్ సరసన కీర్తి సురేష్.. కళ్యాణ్ రామ్ సరన కృతిశెట్టి హీరోయిన్లుగా నటించనున్నారని ఫిలింనగర్ టాక్.

కాగా.. అనిల్ రావిపూడి దర్శకత్వంలో నటించేందుకు పలువురు కోలీవుడ్ స్టార్స్ సిద్ధంగా ఉన్నారు. ప్రస్తుత తమిళనాడు ముఖ్యమంత్రి దళపతి విజయ్ కూడా అనిల్ డైరెక్షన్‌లో చేయాలని అనుకున్నారు. అయితే ఆ కాంబో సెట్ కాలేదు. ఇప్పుడు ఈ లిస్ట్‌లోకి మరో కోలీవుడ్ అగ్రనటుడు సూర్య పేరు వినిపిస్తోంది. ఇటీవల ఆర్జే బాలాజీ దర్శకత్వంలో తెరకెక్కిన కరుప్పతో కెరీర్‌లోనే అతిపెద్ద హిట్‌ను తన ఖాతాలో వేసుకున్నారు సూర్య. ప్రస్తుతం వెంకీ అట్లూరి దర్శకత్వంలో విశ్వనాథ్ అండ్ సన్స్ సినిమాలో సూర్య నటిస్తున్నారు. 

ఆ తర్వాత తన 47వ సినిమాను జీతూ మాధవన్ తెరకెక్కిస్తుండగా.. పా రంజిత్, టీజే జ్ఞానవేల్‌లతో సినిమాలు చేసేందుకు సూర్య గ్రీన్ సిగ్నల్ ఇచ్చినట్లుగా కోలీవుడ్ వర్గాలు చెబుతున్నాయి. దాంతో సూర్య కెరీర్‌లోనే మైలురాయిగా చెబుతున్న 50వ సినిమాను ఎవరు డైరెక్ట్ చేయబోతున్నారు అనేది ఆసక్తిగా మారింది. అయితే ఆ దర్శకుడు అనిల్ రావిపూడేనంటూ తమిళ మీడియాలో వార్తలు వస్తున్నాయి. 

కమర్షియల్ చిత్రాలకు కేరాఫ్‌గా నిలిచే అనిల్ అయితే ఖచ్చితంగా హిట్ గ్యారెంటీ అని సూర్య విశ్వసిస్తున్నారు. అలాగే అనిల్ చెప్పిన కథ కూడా ఆయనకు బాగా నచ్చడంతో ఈ ప్రాజెక్ట్ ఓకే చేసినట్లుగా కథనాలు వస్తున్నాయి. అన్ని అనుకున్నట్లుగా జరిగితే త్వరలోనే అనిల్ - సూర్య కాంబోపై కీలక ప్రకటన వెలువడే అవకాశం ఉంది. 


హీరోగా దేవిశ్రీ ప్రసాద్... నేను ఎప్పుడో అయ్యా.. థమన్ షాకింగ్ కామెంట్స్

 

దేవి శ్రీ ప్రసాద్.. ఈ పేరు తెలియనివారు ఉండరు. స్టార్ మ్యూజిక్ డైరెక్టర్‌గా ప్రేక్షకులను ఉర్రూతలూగించారు. ఇప్పుడు హవా తగ్గింది కానీ 10, 15 ఏళ్ల క్రితం అంతా దేవిశ్రీ పాటలే వినిపించేవి. సీనియర్ హీరోల నుంచి జూనియర్ హీరోల వరకు అందరికీ దేవియే కావాలి. అలా అభిమానులతో రాక్‌ స్టార్ అని పిలిపించుకున్న దేవిశ్రీ ప్రసాద్‌కు ఇటీవల థమన్ నుంచి గట్టి పోటీ ఎదురవుతోంది. ఒకటి ఆరా చిత్రాలు తప్పించి.. ఎక్కువగా థమన్ హవానే కనిపిస్తోంది.

ఇండస్ట్రీలో చాలామంది మ్యూజిక్ డైరెక్టర్లు హీరోలుగా, దర్శకులుగా రాణించారు. ఈ క్రమంలోనే దేవి శ్రీ ప్రసాద్‌కు సంగీత దర్శకుడి నుంచి హీరోగా ప్రమోషన్ వచ్చింది. బలగం ఫేమ్ వేణు యెల్దండి దర్శకత్వంలో తెరకెక్కుతోన్న ఎల్లమ్మ సినిమాలో దేవిశ్రీ ప్రసాద్ హీరోగా నటిస్తున్నారు. ఈ మూవీ కోసం కంప్లీట్‌గా మేకోవర్ అయిన ప్రాణం పెట్టి సినిమా చేస్తున్నారు. ఈ సినిమాను శ్రీ వెంకటేశ్వర క్రియేషన్స్ బ్యానర్‌పై టాలీవుడ్ అగ్ర నిర్మాత దిల్‌రాజు నిర్మిస్తున్నారు.

నిజానికి దేవిశ్రీ ప్రసాద్‌ను హీరోగా చూడాలని ఆయన తండ్రి, ప్రముఖ సినీ రచయిత సత్యమూర్తి ఆశించారు. స్టార్ డైరెక్టర్ సుకుమార్ దర్శకత్వంలో దేవిని హీరోగా లాంచ్ చేసేందుకు కూడా ప్రయత్నాలు జరిగాయి. కానీ ఆ సమయంలో సత్యమూర్తి చనిపోవడంతో హీరో కావాలన్న ఆలోచనను దేవి విరమించుకున్నారు. హీరోగా నటించకపోయినా శంకర్ దాదా, జులాయి, అత్తారింటికి దారేది, ఖైదీ నెం 150 తదితర సినిమాలో తెరపై తళుక్కున మెరిశారు. 

దేవిశ్రీ ప్రసాద్ హీరోగా నటించడంపై ఎస్ఎస్ థమన్ కీలక వ్యాఖ్యలు చేశారు. ఓజీ టూర్ కాన్సర్ట్‌లో పాల్గొన్న ఆయనను మీడియా ప్రతినిధులు పలు ప్రశ్నలు  అడగ్గా ఓపికగా సమాధానం ఇచ్చారు. ఈ క్రమంలోనే దేవిశ్రీ ప్రసాద్ గారు హీరోగా  చేస్తున్నారు? మరి మీరు ఎప్పుడు హీరోగా చేస్తున్నారు? అని విలేకరులు ప్రశ్నించారు. దీనికి థమన్ ఆసక్తికరంగా బదులిచ్చారు. 

నేను ఆల్రెడీ హీరో అయ్యే వచ్చాను. బాయ్స్‌లో హీరో అయిపోయి వచ్చాను. యాక్టింగ్ చాలా కష్టం.. అది ఎంత పనో మీకు తెలియదు. అది చాలా టార్చర్.. మనం ప్రశాంతంగా ఏసీ  రూమ్‌లో కూర్చొని మంచి ట్యూన్ చేయరా అని దేవుడు ఆశీర్వదించాడు. ఈ ఎండలు, వడదెబ్బలు మనకెందుకు? కానీ దేవి అన్నకు హ్యాట్సాఫ్. ఆ స్క్రిప్ట్ మొత్తం నాకు తెలుసు.. అది బ్లాక్‌బస్టర్ సినిమా అంతే. అన్న అయితే ప్రాణం పెట్టేస్తున్నాడు.. దిల్‌రాజు గారు కూడా నాతో చెప్పారు. 

అవసరమైతే నేను కూడా మీకు సాయం చేస్తానని దిల్‌రాజు గారికి  చెప్పాను. జీవితంలో అంతా నాకే, నాదే అనుకోకూడదు. అందరం కలిసి పనిచేసుకుందామని దిల్‌రాజు గారితో మాట్లాడాను. ఎల్లమ్మ బ్లాక్‌బస్టర్ స్క్రిప్ట్స్, ఫస్ట్ సినిమాతోనే యాక్టర్‌గా దేవిశ్రీ ప్రసాద్ గారు ప్రూవ్ చేసుకుంటారని థమన్ అన్నారు. భవిష్యత్తులో కూడా హీరో కావాలన్న ఉద్దేశం నాకు లేదు. గేమ్ ఛేంజర్ ఆడియో ఫంక్షన్‌కి డల్లాస్ వెళ్లినప్పుడు ఎల్లమ్మ మూవీ లైన్ ఫ్లైట్‌లోనే చెప్పారు. సినిమా చాలా బాగుంటుంది అని థమన్ వెల్లడించారు. 


Peddi Public Talk: పెద్ది పబ్లిక్ టాక్.. రామ్ చరణ్ మూవీపై జనం టాక్ ఇదే

 


బుచ్చిబాబు సానా దర్శకత్వంలో మెగా పవర్ స్టార్ రామ్ చరణ్, జాన్వీ కపూర్ జంటగా నటించిన మూవీ పెద్ది. జగపతిబాబు, శివరాజ్ కుమార్, దివ్యెందు శర్మ, బొమన్ ఇరానీ తదితరులు కీలకపాత్రలు పోషించారు. వృద్ధి సినిమాస్, మైత్రీ మూవీ మేకర్స్ బ్యానర్‌లపై వై రవిశంకర్, నవీన్ యెర్నెనీ, వెంకట సతీష్ కిలారులు కలిసి పెద్ది సినిమాను నిర్మించారు. 

జూన్ 4న పెద్ది మూవీ వరల్డ్ వైడ్‌గా ప్రేక్షకుల ముందుకు రానుంది. అయితే జూన్ 3వ తేదీ రాత్రి ఈ సినిమా ప్రీమియర్స్ ప్రదర్శించారు. పెద్దిపై పబ్లిక్ టాక్ ఎలా ఉంది? రామ్ చరణ్ నటన, బుచ్చిబాబు డైరెక్షన్ ఎలా ఉంది? అనే దానిపై సోషల్ మీడియాలో వీడియోలు, పోస్టులు వైరల్ అవుతున్నాయి. 

రామ్ చరణ్‌కు రంగస్థలంకు నేషనల్ అవార్డ్ రాలేదు. కానీ ఈ మూవీ చూసిన తర్వాత ఆయనకు నేషనల్ అవార్డ్ రాకపోతే నేషనల్ అవార్డ్ జ్యూరీనే మార్చుకోవాలేమో. అందరూ ఓ టైప్ ఆఫ్ మూవీస్‌కి అలవాటు పడిపోయారు. స్లో యాక్షన్, స్లో బ్యాక్‌గ్రౌండ్ మ్యూజిక్, పిచ్చి పిచ్చి బీజీఎంలు, గాలిలో ఎగిరే సీన్లు వస్తే అదే సినిమా అనుకుంటున్నారు. కానీ నిజంగా ఒక యాక్టర్ పొటెన్షియల్ ఏంటీ? కమర్షియల్ యాంగిల్ అన్ని పక్కనపెడితే పెద్దితో చాలా గొప్పగా ఫీల్ అవుతున్నాము. 

మన తెలుగులో ఇలాంటి మూవీ వచ్చింది. ఈ సినిమా చూస్తుంటే ఒక హాలీవుడ్ మూవీలా అనిపించింది. ఇంటర్వెల్ వచ్చినప్పటి నుంచి తెరపై వాళ్లు ఏడుస్తుంటే మాకు ఏడుపొచ్చింది. వాళ్లని కొడుతుంటే ఆ పెయిన్ మనకి వస్తుంది. థియేటర్‌లో చూసిన 600 మందిలో ఒక్కళ్లనైనా పెద్ది సినిమా ఖచ్చితంగా ఇన్‌స్పైర్ చేస్తుందని ఒక అభిమాని తెలిపారు. 

ఈ సినిమా చూసిన ప్రతి ఒక్కరు ఖచ్చితంగా ఇన్‌స్పైర్ అవ్వాల్సిందే. ఐడెంటీటీ, గెలుపు అనేది చాలా ముఖ్యం. అది ఉంటేనే బయట రెస్పెక్ట్ ఇచ్చేది కూడా అని ఓ ప్రేక్షకుడు చెప్పాడు. రామ్ చరణ్ బాడీ చూస్తే అదిరిపోయింది. నాకు కూడా జిమ్‌కి వెళ్లాలని అనిపిస్తుంది. ఖచ్చితంగా రామ్ చరణ్‌కి నేషనల్ అవార్డ్ వస్తుంది.. ఎందుకు రాదో చూద్దామని ఓ అభిమాని అన్నాడు. 

మంచి మెసేజ్ ఓరియెంటెడ్ మూవీ. బుచ్చిబాబు గారి డైరెక్షన్ కానీ, రామ్ చరణ్ కానీ పర్ఫార్మెన్స్ కానీ చాలా బాగున్నాయి. ఇది ఒక సినిమా కాదు.. ఒక ఆటగాడి గెలుపు. ఆట అనేది స్వార్ధం కోసం కాదు.. ఒక పర్పస్ కోసమని సూపర్‌గా ప్రజెంట్ చేశారు. చరణ్ జీవితంలో మరో మైలురాయి. తండ్రిని మించిన తనయుడిగా ఇవాళ ఆయన యాక్టింగ్ అద్భుతంగా చేశాడు అని ఫ్యాన్స్ తెలిపారు. 


Peddi: పెద్ది బడ్జెట్ ఎంత? రామ్ చరణ్ ముందు టార్గెట్ ఎంతంటే?

 


తమిళ దర్శక దిగ్గజం శంకర్ దర్శకత్వంలో వచ్చిన గేమ్ ఛేంజర్ డిజాస్టర్ కావడంతో మెగా ఫ్యాన్స్ బాగా డిజప్పాయింట్ అయ్యారు. దాంతో ఎలాగైనా అభిమానులకు సాలీడ్ హిట్ అందించాలని డిసైడ్ అయిన రామ్ చరణ్ .. తన వీరాభిమాని బుచ్చిబాబు సానాకు గ్రీన్ సిగ్నల్ ఇచ్చారు. ఉప్పెన తర్వాత కొన్నేళ్ల పాటు చరణ్ కోసం వెయిట్ చేసి చివరికి అనుకున్నది సాధించారు బుచ్చిబాబు. వీరిద్దరి కాంబోలో తెరకెక్కిన మూవీ పెద్ది. 

స్పోర్ట్స్, విలేజ్ బ్యాక్‌డ్రాప్‌లో తెరకెక్కిన ఈ సినిమాను మైత్రీ మూవీ మేకర్స్, సుకుమార్ రైటింగ్స్, వృద్ధి సినిమాస్, ఐవీవై ఎంటర్‌టైన్‌మెంట్ సంస్థలు తెరకెక్కించాయి. రామ్ చరణ్ సరసన బాలీవుడ్ ముద్దుగుమ్మ జాన్వీ కపూర్ హీరోయిన్‌గా నటించారు. శివరాజ్ కుమార్, జగపతి బాబు, దివ్యెందు శర్మ, బొమన్ ఇరానీ, రవికిషన్, విజి చంద్రశేఖర్, సత్య, అజయ్ ఘోష్, ఉపేంద్ర లిమాయే తదితరులు నటించారు. కోలీవుడ్ స్టార్ హీరోయిన్ శృతి హాసన్ స్పెషల్ సాంగ్ చేశారు. ఏఆర్ రెహమాన్ ఈ సినిమాకు సంగీత దర్శకత్వం వహించారు.

పెద్దిని 350 కోట్ల రూపాయల బడ్జెట్‌తో నిర్మించినట్లు స్వయంగా దర్శకుడు బుచ్చిబాబు వెల్లడించారు. రామ్ చరణ్ క్రేజ్‌ను దృష్టిలో పెట్టుకుని ఈ సినిమాకు భారీగా ప్రీ రిలీజ్ ఈవెంట్ జరిగింది. 

నైజాంలో 48 కోట్ల రూపాయలు, సీడెడ్‌లో 24 కోట్ల రూపాయలు, ఉత్తరాంధ్రలో 18 కోట్ల రూపాయలు, ఈస్ట్ గోదావరిలో 10.20 కోట్ల రూపాయలు, వెస్ట్ గోదావరిలో 8.25 కోట్ల రూపాయలు, గుంటూరులో 11.20 కోట్ల రూపాయలు, కృష్ణాలో 9.30 కోట్ల రూపాయలు, నెల్లూరులో 6.30 కోట్ల రూపాయలు, కర్ణాటకలో 17 కోట్ల రూపాయలు, తమిళనాడులో 5.25 కోట్ల రూపాయలు, కేరళలో 2 కోట్ల రూపాయలు, హిందీ+ రెస్టాఫ్ ఇండియాలో 25 కోట్ల రూపాయలు, ఓవర్సీస్‌లో 34 కోట్ల రూపాయలతో కలిపి వరల్డ్ వైడ్‌గా 218 కోట్ల రూపాయల ప్రీ రిలీజ్ బిజినెస్ చేసింది పెద్ది. ఈ సినిమా బ్రేక్ఈవెన్ కావాలంటే 220 కోట్ల రూపాయల షేర్.. 450 కోట్ల రూపాయల గ్రాస్ రాబట్టాల్సి ఉంది. 

సంక్రాంతి సీజన్ తర్వాత టాలీవుడ్ గడ్డు పరిస్ధితులని ఎదుర్కొంటోంది. ఒకటి రెండు సినిమాలు తప్పించి పెద్ద సినిమాలన్నీ వాయిదా పడటంతో తెలుగు చిత్ర పరిశ్రమకు కీలకమైన సమ్మర్ సీజన్ నిరుత్సాహ పరిచింది. దాంతో ప్రేక్షకులు రాక... కొత్త సినిమాల సందడి లేక థియేటర్లు వెలవెలబోయాయి. నిర్మాతలు, డిస్ట్రిబ్యూటర్లు, ఎగ్జిబిటర్ల ఆశలన్నీ పెద్దిపైనా ఉన్నాయి. మరి టాలీవుడ్‌కు పెద్ది సినిమా తిరిగి ఊపిరి పోస్తుందో లేదో చూడాలి. 


హైదరాబాద్‌లో ప్రభాస్ కొత్త డ్రీమ్ హౌస్.. ఖరీదు ఎన్ని కోట్లో తెలుసా?

పాన్ ఇండియా సూపర్‌స్టార్ ప్రభాస్ ప్రస్తుతం వరుస సినిమాలతో బిజీగా ఉన్నారు. సందీప్ రెడ్డి వంగాతో స్పిరిట్, నాగ్ అశ్విన్‌తో కల్కి 2, హను రాఘవపూడితో ఫౌజీ సినిమాలలో నటిస్తున్నారు. స్పిరిట్, కల్కి 2ను సమాంతరంగా చేస్తూ వస్తున్న ప్రభాస్.. ఈ రెండింటిలో ఒకటి త్వరగా పూర్తి చేసి ఫౌజీ సెట్‌లో దిగిపోవాలని ప్లాన్ చేస్తున్నారు డార్లింగ్. ఈ సినిమాల తర్వాత ప్రశాంత్ నీల్‌ దర్శకత్వంలో సలార్ 2ను సెట్స్ మీదకి తీసుకెళ్లనున్నారు ప్రభాస్. 

ప్రజెంట్ ఇండియన్ ఫిల్మ్ ఇండస్ట్రీలో ప్రభాస్ దరిదాపుల్లో ఏ హీరో కూడా లేరు. భారత్‌లో 6 సినిమాలకు 6 సార్లు 100 కోట్ల రూపాయల ఓపెనింగ్స్  రాబట్టిన ఏకైక హీరోగా నిలిచారు. డివైడ్ టాక్‌తోనూ ఈ స్థాయిలో వసూళ్లు రాబట్టిన నటుడు ప్రభాస్ ఒక్కరే. తన రాబోయే సినిమాలు స్పిరిట్, కల్కి 2, ఫౌజీ చిత్రాలు కూడా ఇండియన్ బాక్సాఫీస్‌ను షేక్ చేస్తాయని ట్రేడ్ వర్గాలు అంచనా వేస్తున్నాయి. 

బాహుబలితో తెలుగు సినిమా స్థితిని, గతిని మార్చిన ప్రభాస్ ఇప్పుడు పాన్ ఇండియా సూపర్‌స్టార్‌గా దేశవ్యాప్తంగా భారీ ఫాలోయింగ్‌ను సంపాదించారు. ఆయనతో సినిమాలు చేసేందుకు టాలీవుడ్ నుంచి బాలీవుడ్ వరకు బడా నిర్మాతలు క్యూకడుతున్నారు. సినిమాకు 150 నుంచి 200 కోట్ల రూపాయల రెమ్యునరేషన్ తీసుకుంటారు ప్రభాస్. ఆయన మార్కెట్, క్రేజ్ దృష్ట్యా ఎంత కావాలన్నా ఇచ్చే వారు ఎందరో. 

ప్రభాస్‌కు హైదరాబాద్‌తో పాటు తెలుగు రాష్ట్రాల్లోని పలు ప్రాంతాల్లో విలువైన ఆస్తులున్నాయి. ఇటలీలోనూ ఆయనకు ఖరీదైన విల్లా ఉంది. ప్రభాస్ ఆస్తుల విలువ 300 కోట్ల వరకు ఉంటుందని అంచనా. సినిమాలు, బ్రాండ్ అండార్స్‌మెంట్స్, ఇతర మార్గాల ద్వారా బాగానే సంపాదిస్తున్నారు ప్రభాస్. తన సంపాదనను రియల్ ఎస్టేట్, ఇతర పెట్టుబడుల్లోకి మళ్లిస్తున్నారు. ప్రభాస్‌కు హైదరాబాద్ జూబ్లీహిల్స్‌లో ఖరీదైన బంగ్లా ఉంది. 

ప్రస్తుతం పాన్ ఇండియా సూపర్‌స్టార్‌గా తన క్రేజ్ పెరిగిన నేపథ్యంలో తన రేంజ్‌కి తగినట్లుగా మరో కొత్త ఇల్లు నిర్మించుకోవాలని ప్రభాస్ భావిస్తున్నట్లుగా ఫిలింనగర్‌లో గుసగుసలు వినిపిస్తున్నాయి. హైదరాబాద్‌లోనే అత్యంత ఖరీదైన ప్రాంతంలో తన డ్రీమ్ మ్యాన్షన్ నిర్మించనున్నారట. ఐటీ, ఫార్మా, ఇతర కార్పోరేట్ కంపెనీలకు నెలవైన ఫైనాన్షియల్ డిస్ట్రిక్ట్ పరిసరాల్లో  రెండు ఎకరాల స్థలాన్ని ప్రభాస్ ఇప్పటికే కొనుగోలు  చేశారట. 

ఆ ప్రాంతంలో ఎకరం అక్షరాల 80 కోట్ల రూపాయలు.. అంటే కేవలం స్థలం ఖరీదే 160 కోట్ల రూపాయలు. కోకాపేట ఔటర్ రింగ్ రోడ్ ఎగ్జిట్‌కు సమీపంలో ప్రభాస్ డ్రీమ్ హౌస్ నిర్మించే ప్రదేశం ఉండటంతో ఇక్కడి నుంచి శంషాబాద్ ఎయిర్‌పోర్ట్, గచ్చిబౌలి, జూబ్లీహిల్స్ సహా నగరంలోని ఏ ప్రాంతానికైనా సులభంగా ప్రభాస్ చేరుకోవచ్చు. ఈ డ్రీమ్ మాన్షన్‌లో అత్యాధునిక వసతులు ఉంటాయని చెబుతున్నారు. 

జిమ్, హోమ్ థియేటర్, స్విమ్మింగ్ పూల్, గార్డెన్‌తో పాటు మరెన్నో లగ్జరీ సౌకర్యాలు ఉంటాయట. ఇక ఇంటి లోపల తన అభిరుచికి తగినట్లుగా ఇంటీరియర్‌ను ప్లాన్ చేశారట డార్లింగ్. ఈ డ్రీమ్ హౌస్ పూర్తి కావడానికి తక్కువలో తక్కువ రెండేళ్లు సమయం పడుతుందుని వార్తలు వస్తున్నాయి. స్థలం ఖర్చు, నిర్మాణంతో కలిపి ప్రభాస్ డ్రీమ్ మ్యాన్షన్ ఖరీదు 200 కోట్లను దాటేస్తుందని చెబుతున్నారు. ఈ వార్త ప్రస్తుతం సినీ వర్గాల్లో చక్కర్లు కొడుతోంది. 


రామ్ చరణ్‌తో ఆటాపాటా.. పెద్దిలో ఐటెం సాంగ్‌కి సంయుక్త రెమ్యునరేషన్ ఎంతంటే?

 


బుచ్చిబాబు సానా దర్శకత్వంలో మెగా పవర్‌స్టార్ రామ్ చరణ్ తేజ్, బాలీవుడ్ ముద్దుగుమ్మ జాన్వీ కపూర్ జంటగా నటిస్తోన్న మూవీ పెద్ది. స్పోర్ట్స్ బ్యాక్‌డ్రాప్‌‌లో, పూర్తి స్థాయి గ్రామీణ వాతావరణంలో తెరకెక్కుతోన్న ఈ సినిమా కోసం ప్రేక్షకులు ఎప్పటి నుంచో ఎదురుచూస్తున్నారు. 

గేమ్ ఛేంజర్‌తో డిజాస్టర్ ఎదుర్కొన్న చరణ్.. ఈసారి మాత్రం సాలీడ్ హిట్ కొట్టాలని చూస్తున్నాడు. కన్నడ సూపర్‌స్టార్ శివరాజ్ కుమార్, జగపతిబాబు, దివ్యెందు, బొమన్ ఇరానీ, విజీ చంద్రశేఖర్, రాజతవ దత్తా, సత్య, జాన్ విజయ్, పోసాని కృష్ణమురళీ తదితరులు నటిస్తున్నారు. మైత్రీ మూవీ మేకర్స్, సుకుమార్ రైటింగ్స్ కలిసి సంయుక్తంగా పెద్ది సినిమాను నిర్మిస్తున్నాయి.

ఏప్రిల్ 30న పెద్ది సినిమా విడుదల కావాల్సి ఉండగా.. అనివార్య కారణాలు, షూటింగ్ పూర్తికాకపోవడంతో సినిమాను వాయిదా వేశారు. జూన్‌లో పెద్ది ప్రేక్షకుల ముందుకు వచ్చే అవకాశాలు కనిపిస్తున్నాయి. 

అయితే పెద్దిలో ఓ ఐటెం సాంగ్ తప్పించి మిగిలిన షూటింగ్ పార్ట్ పూర్తయినట్లుగా ఫిలింనగర్‌లో గుసగుసలు వినిపిస్తున్నాయి. ఈ ఐటెం సాంగ్‌లో ఎవరు నటిస్తారన్న దానిపై రకరకాల రూమర్స్ వచ్చాయి. తమన్నా, మృణాల్ ఠాకూర్‌ల పేర్లు తెరపైకి వచ్చినప్పటికీ ఈ ప్రచారాన్ని వారు ఖండించారు.

చివరికి ఈ ఛాన్స్ సంయుక్త మీనన్‌ను వరించినట్లుగా రూమర్స్ వస్తున్నాయి. వరుస విజయాలు, సినిమాలతో బిజీగా ఉన్న ఈ కేరళ కుట్టి.. రామ్ చరణ్‌తో కలిసి ఆడిపాడనున్నారు. చెర్రీ మాస్ డ్యాన్స్‌కు, సంయుక్త అందాలు ఈ స్పెషల్ సాంగ్‌కు ప్రధాన ఆకర్షణగా నిలుస్తాయని భావిస్తున్నారు. ఇక ఈ ఐటెం నెంబర్ కోసం సంయుక్త మీనన్‌కు కళ్లు చెదిరే పారితోషికం ముట్టజెబుతున్నారట మేకర్స్. 

ఫిలింనగర్ వర్గాల సమాచారం ప్రకారం.. దాదాపు 3 కోట్ల రూపాయలను సంయుక్త ఛార్జ్ చేస్తున్నారట. స్టార్ హీరోయిన్‌గా కొనసాగుతుండటంతో పాటు వరుస విజయాలతో గోల్డెన్ హ్యాండ్‌గా ముద్ర వేసుకున్న సంయుక్తకు ఈ రేంజ్‌లో ఇచ్చేందుకు నిర్మాతలు వెనుకాడటం లేదు. మరి నిజంగానే సంయుక్తకు 3 కోట్ల రూపాయల పారితోషికం నిజమో? కాదో త్వరలోనే తేలనుంది. 


భూత్ బంగ్లా డే 1 కలెక్షన్స్.. అక్షయ్ మూవీకి ఓపెనింగ్స్ ఎంత రావొచ్చంటే?

 


అక్షయ్ కుమార్, టబు జంటగా ప్రియదర్శన్ దర్శకత్వంలో తెరకెక్కిన మూవీ భూత్ బంగ్లా. బాలాజీ మోషన్ పిక్చర్స్, కేప్ ఆఫ్ గుడ్ ఫిలింస్ బ్యానర్లపై ఏక్తా కపూర్, శోభా కపూర్, అక్షయ్ కుమార్ నిర్మించారు. వామికా గబ్బీ, పరేష్ రావెల్, రాజ్‌పాల్ యాదవ్, జిషు సేన్ గుప్తా, మనోజ్ జోషి, అస్రానీ, రాజేశ్ శర్మ తదితరులు కీలకపాత్రలు పోషించారు

ఏప్రిల్ 17వ తేదీన ఈ భూత్ బంగ్లా మూవీ వరల్డ్ వైడ్‌గా ప్రేక్షకుల ముందుకొచ్చింది. భూత్ బంగ్లా మూవీకి 150 కోట్ల రూపాయలతో నిర్మించినట్లుగా బాలీవుడ్ వర్గాలు చెబుతున్నాయి. అక్షయ్ కుమార్ మూవీ బ్రేక్ఈవెన్ కావాలంటే బాక్సాఫీస్ వద్ద 184 కోట్ల రూపాయలు రాబట్టాల్సి ఉండగా.. క్లీన్ హిట్ కావాలంటే 280 కోట్ల రూపాయలు వసూలు చేయాల్సి ఉందని చెబుతున్నారు. 

అడ్వాన్స్ బుకింగ్‌లో ఈ సినిమాకు మంచి రెస్పాన్స్ వచ్చింది. ప్రీమియర్స్ + ఫస్డ్ డేకు గాను అడ్వాన్స్ బుకింగ్ ద్వారా ఇండియాలో భూత్ బంగ్లాకు దాదాపు 3.32 కోట్ల రూపాయలు వసూలైనట్లుగా వార్తలు వస్తున్నాయి. గడిచిన 24 గంటల్లో ఇండియాలో 1.29 లక్షల టికెట్లు అమ్ముడయ్యాయి. 

మహారాష్ట్రతో పాటు ఢిల్లీ, గుజరాత్, కర్ణాటక, పశ్చిమ బెంగాల్‌లో ఈ సినిమాకు మంచి ఆదరణ లభిస్తున్నట్లుగా నివేదికలు చెబుతున్నాయి. 2026లో విడుదలైన బాలీవుడ్ సినిమాలలో అడ్వాన్స్ బుకింగ్ పరంగా భూత్ బంగ్లా 3వ స్థానంలో నిలవగా.. ధురంధర్ 2 (53 కోట్ల రూపాయలు) టాప్‌లో ఉంది. ఆ తర్వాత బోర్డర్ 2 (12.5 కోట్ల రూపాయలు) రెండో స్థానంలో నిలిచింది.

అక్షయ్ కుమార్ మూవీకి ఏప్రిల్ 16వ తేదీ రాత్రి ప్రీమియర్స్ ప్రదర్శించారు. ప్రీమియర్స్‌తో ఇండియాలో 6.26 కోట్ల రూపాయల నెట్.. 7.46 కోట్ల రూపాయల గ్రాస్ కలెక్షన్స్ రాబట్టింది. తొలిరోజు ఇండియాలో అక్షయ్ కుమార్ మూవీకి 10 కోట్ల రూపాయలు, ఓవర్సీస్‌లో 5 కోట్ల రూపాయలు చొప్పున వరల్డ్ వైడ్‌గా 18 కోట్ల రూపాయల రేంజ్‌లో ఓపెనింగ్స్ రాబడుతుందని అంచనా వేస్తున్నారు. 


సినీ కెరీర్‌కు నటి త్రిష గుడ్‌బై? స్టార్ డైరెక్టర్ కామెంట్స్ వైరల్

 


ప్రస్తుతం దక్షిణాది చిత్ర పరిశ్రమలో.. మరీ ముఖ్యంగా తమిళనాడు సినీ, రాజకీయాల్లో ఎక్కువగా వినిపిస్తున్న పేరు త్రిష కృష్ణన్. కోలీవుడ్ సూపర్‌స్టార్, టీవీకే అధినేత దళపతి విజయ్‌తో ఆమె రిలేషన్‌లో ఉన్నారంటూ కొద్దిరోజుల క్రితం తమిళనాడు బీజేపీ చీఫ్ నాయనర్ నాగేంద్రన్ చేసిన వ్యాఖ్యలు కలకలం రేపాయి. ఆయన క్షమాపణలు చెప్పడంతో ఆ వివాదానికి తెరపడింది. 

ఇది జరిగిన  కొద్దిరోజులకే దళపతి విజయ్ సతీమణి సంగీత సోర్ణలింగం షాకిచ్చారు. తన భర్త నుంచి విడాకులు ఇప్పించాలంటూ చెంగల్పట్టు కోర్టులో పిటిషన్ దాఖలు చేశారు. తమిళ సినీరంగానికి చెందిన ఓ నటితో తనకు భర్తకు వివాహేతర సంబంధం ఉందని, ఆమె కారణంగా మా ఇద్దరి మధ్య విభేదాలు చోటు చేసుకుంటున్నాయని సంగీత తన పిటిషన్‌లో పేర్కొన్నారు. అయితే అందులో నటి పేరును మాత్రం ఆమె ప్రస్తావించలేదు. కానీ అందరి చూపు త్రిషపైనే పడింది.

టీవీకే పార్టీ ద్వారా తమిళనాడు అసెంబ్లీ ఎన్నికల బరిలో నిలిచిన విజయ్‌కి ఈ పరిణామాలు ఇబ్బంది కలిగించాయి. అయితే ఆ వెంటనే ఓ నిర్మాత ఇంట్లో పెళ్లి వేడుకకు త్రిషతో కలిసి విజయ్ జంటగా హాజరుకావడంతో సంచలనం  సృష్టించింది. దాంతో విజయ్ - త్రిషల రిలేషన్ నిజమేనంటూ వస్తున్న వార్తలకు మరింత బలం చేకూరినట్లయ్యింది. ఈ క్రమంలో త్రిషపై సోషల్ మీడియాలో ట్రోలింగ్ జరుగుతోంది. 

అయితే త్రిష రాజకీయాల్లోకి అడుగుపెడతారని, తమిళనాడు సీఎం కావాలన్నది ఆమె కల అని సోషల్ మీడియాలో ఊహాగానాలు వినిపిస్తున్నాయి. స్వయంగా త్రిష సైతం తనకు రాజకీయాలపై ఆసక్తి ఉందని పలుమార్లు బయటపెట్టారు. తాజాగా వీటికి బలం చేకూర్చేలా సీనియర్ దర్శకుడు చిత్రా లక్ష్మణన్ సంచలన వ్యాఖ్యలు చేశారు. 

త్రిష త్వరలోనే తన సినీ కెరీర్‌కు రిటైర్మెంట్ ప్రకటించనున్నారని బాంబు పేల్చారు. కొంతమంది నిర్మాతలను త్రిష గురించి అడగ్గా.. ఆమెకు సినిమాల్లో కొనసాగాలని లేదని చెప్పారని లక్ష్మణన్ అన్నారు. దీంతో ఆయన వ్యాఖ్యలు తమిళ చిత్ర పరిశ్రమలో హాట్ టాపిక్‌గా మారాయి. దీనిపై త్రిష స్పందించాల్సి ఉంది. ప్రస్తుతం త్రిష కృష్ణన్ సూర్య సరసన కరుప్పు, మెగాస్టార్ చిరంజీవి సరసన విశ్వంభర.. మలయాళంలో రామ్ చిత్రాలలో నటిస్తున్నారు.  


హీరోగా అనిల్ రావిపూడి.. నిర్మాతగా దిల్‌రాజు

 


టాలీవుడ్‌లో ఓటమి ఏరుగని దర్శకుల్లో ఒకరిగా గుర్తింపు తెచ్చుకున్నారు అనిల్ రావిపూడి. తొలి సినిమా పటాస్ నుంచి ఈ ఏడాది మన శంకర వరప్రసాద్ గారు వరకు అనిల్ తీసిన ప్రతి చిత్రం విజయాన్ని సాధిస్తూ వచ్చింది. ప్రతియేటా ఖచ్చితంగా తన సినిమాను విడుదల చేస్తూ.. సంక్రాంతి దర్శకుడిగా గుర్తింపు తెచ్చుకున్నారు అనిల్ రావిపూడి.

ఆయనలో డైరెక్టర్‌తో పాటు మంచి నటుడు కూడా ఉన్నారు. హీరో కావాలని అనిల్ కూడా కలలు కన్నారు. అయితే తన సినిమాల్లో గెస్ట్ రోల్స్ మాదిరిగా తళుక్కున మెరుస్తూ ముచ్చట తీర్చుకుంటున్నారు. పలు ఈవెంట్స్‌లో విక్టరీ వెంకటేష్, డాక్టర్ రాజశేఖర్ వంటి స్టార్స్‌ను ఇమిటేట్ చేస్తూ డ్యాన్స్ ఇరగదీస్తారు అనిల్ రావిపూడి. ఒడ్డూపొడుగూ, ఫిజిక్‌, అందంతో పర్ఫెక్ట్ హీరో మెటీరియల్ అనిపించుకున్నారు ఈ దర్శకుడు. తాజాగా అనిల్ రావిపూడిని నటుడిగా పరిచయం చేస్తానిన చెప్పారు స్టార్ ప్రొడ్యూసర్ దిల్‌రాజు.

తమిళ నటుడు ప్రదీప్ రంగనాథన్, యంగ్ హీరోయిన్ కృతిశెట్టి జంటగా నటించిన లవ్ ఇన్సూరెన్స్ కంపెనీ ప్రీ రిలీజ్ కార్యక్రమం హైదరాబాద్‌లో జరిగింది. ఈ కార్యక్రమంలో అనిల్ రావిపూడి, దిల్‌రాజులు సందడి చేశారు. ఈ సందర్భంగా దిల్‌రాు మాట్లాడుతూ.. అనిల్ రావిపూడిలో మంచి నటుడు ఉన్నారు. ఆయనను నటుడిగా నేనే పరిచయం చేస్తాను. ఎప్పుడు నన్ను కలిసినా? స్టోరీ డిస్కషన్స్ కోసం వచ్చినా అదే మాట చెబుతానని దిల్‌రాజు తెలిపారు.

ఆ వెంటనే అనిల్ రావిపూడి మాట్లాడుతూ.. రాజుగారి ఆఫర్ బాగుంది, అయితే ఆయన ప్రొడ్యూసర్‌గా, ప్రదీప్ రంగనాథన్ హీరోగా, నేను దర్శకుడిగా సినిమాను తీస్తా. ప్రస్తుతానికి నటుడిగా మారాలన్న  ఆలోచన లేదని తేల్చేశారు. కాగా.. మన శంకర వరప్రసాద్ గారు తర్వాత విక్టరీ వెంకటేష్ - నందమూరి కళ్యాణ్ రామ్‌లు హీరోలుగా ఒక మల్టీస్టారర్ తెరకెక్కిస్తున్నారు అనిల్ రావిపూడి. వచ్చే ఏడాది సంక్రాంతికి ఈ సినిమా ప్రేక్షకుల ముందుకు రానుంది.


ఆదిత్యధర్ ధురంధర్ 3 తీస్తే.... సోషల్ మీడియాలో స్టోరీ, స్క్రీన్ ప్లే హల్‌చల్!

 


గత నాలుగు నెలలుగా భారతీయ చిత్ర పరిశ్రమను కుదిపేస్తోన్న పేరు ధురంధర్. ఆదిత్యధర్ దర్శకత్వంలో రణ్‌వీర్ సింగ్ హీరోగా తెరకెక్కిన ఈ స్పై, యాక్షన్ మూవీ బాక్సాఫీస్ వద్ద విధ్వంసం సృష్టిస్తోంది. తొలి భాగం 1400 కోట్ల రూపాయలు వసూలు చేయగా.. రెండో భాగం ఇప్పటికే 1500 కోట్లకు పైగా కలెక్షన్స్ సాధించి 2000 కోట్ల దిశగా వడివడిగా అడుగులు వేస్తోంది. ధురంధర్ సిరీస్ చిత్రాలు.. భారతీయ సినిమా మేకింగ్ విధానాన్ని పూర్తిగా మార్చేసింది. కథ, స్క్రీన్‌ ప్లే పకడ్బందీగా ఉంటే 4 గంటల నిడివ ఉన్న సినిమా అయినా ప్రేక్షకులు ఆదరిస్తారని తేలింది. 

ధురంధర్ సిరీస్ విజయవంతం కావడంతో ధురంధర్ 3 ఎప్పుడంటూ నెటిజన్లు ప్రశ్నిస్తున్నారు. మూడో భాగం గురించి చిత్ర యూనిట్ నుంచి ఎలాంటి సంకేతాలు అందలేదు. అయితే పార్ట్ 3 కావాలంటూ కోరుకునే వారు రోజురోజుకి పెరుగుతున్నారు. ధురంధర్ 3ని ఎటు నుంచి మొదలు పెడతారనే ఆసక్తి నెలకొంది. 

ధురంధర్ 3ని సిద్ధం చేయడానికి ఎన్నో మార్గాలు చెబుతున్నారు నెటిజన్లు. ధురంధర్ ది రివెంజ్‌ క్లైమాక్స్‌లో జస్కిరత్ తన కుటుంబాన్ని దూరం నుంచి చూస్తాడు తప్పించి, తల్లిని చెల్లిని పలకరించడు. వాళ్లని కలుసుకుని ఇన్ని రోజులు ఏం చేసింది చెప్పడంతో పాటు జస్కిరత్ చేతిలో హత్యకు గురైన ఎమ్మెల్యే కుటుంబంలో ఎవరో ఒకరు ఇతనిపై పగ సాధించడం ఒకటి. 

జైళ్లో ఉన్న రెహమాన్ బలోచ్ తమ్ముడు ఉరైజ్ బలోచ్ తప్పించుకుని తన అన్నయ్యతో పాటు తమ వాళ్లను చంపి, తనపై గూఢచార్యం నేరం మోపి జైలుకి పంపింది హంజానే అని తెలుసుకుంటాడు. హంజా భార్యాబిడ్డల్ని, మామ జమీల్‌ను బంధించి తిరిగి అతనిని పాకిస్తాన్‌కు రప్పించడం ఒక వెర్షన్. లేదంటే మరో కొత్త ఆపరేషన్ కోసం హస్కిరత్‌ను తిరిగి పాకిస్తాన్‌కు పంపడం వంటి వెర్షన్లు వినిపిస్తున్నాయి. ప్రస్తుతానికి ఆదిత్యధర్ మనసులో ధురంధర్ 3వ భాగం ఆలోచన లేనప్పటికీ సోషల్ మీడియా జనాలు మాత్రం తమకు నచ్చిన విధంగా కథలు అల్లేస్తూ.. ఎలాంటి కథ కావాలో కూడా వారే ఇస్తున్నారు. 


ధురంధర్ 2 చూడలేదు... అమీర్‌ఖాన్ సంచలన వ్యాఖ్యలు

 


ఆదిత్యధర్ దర్శకత్వంలో రణ్‌వీర్ సింగ్ నటించిన హిట్ ఫ్రాంచైజీ మూవీ ధురంధర్ 2. భారతీయ సినీ ప్రేక్షకులకు కనివినీ ఎరుగని అనుభూతిని అందించడంతో పాటు కలెక్షన్ల వర్షం కురిపిస్తోంది. కేవలం 6 రోజుల్లోనే 1000 కోట్ల రూపాయల క్లబ్‌లో అడుగుపెట్టి సరికొత్త రికార్డులు నెలకొల్పింది. రణ్‌వీర్ జోరు చూస్తుంటే త్వరలోనే 2000 కోట్ల మార్క్ చేరుకుంటుందని ట్రేడ్ పండితులు అంచనా వేస్తున్నారు.

ధురంధర్ 2ను వీక్షించిన సామాన్యులు, సినీ ప్రముఖులు ఈ సినిమాపైనా.. హీరో రణ్‌వీర్ సింగ్‌, దర్శకుడు ఆదిత్యధర్‌పై ప్రశంసల వర్షం కురిపిస్తున్నారు. దర్శకధీరుడు ఎస్ఎస్ రాజమౌళీతో పాటు స్టార్ హీరోలు మహేశ్ బాబు, అల్లు అర్జున్, రామ్ చరణ్, జూనియర్ ఎన్టీఆర్, విజయ్ దేవరకొండ తదితరులు ధురంధర్ 2ను చూసి తమదైన శైలిలో రివ్యూ ఇచ్చారు. 

టాలీవుడ్‌తో పాటు దక్షిణాది చిత్ర పరిశ్రమకు చెందిన పలువురు సెలబ్రిటీలు సైతం ధురంధర్ 2 సక్సెస్‌పై చిత్ర యూనిట్‌కు  అభినందనలు తెలియజేశారు. అయితే సొంత ఇండస్ట్రీ బాలీవుడ్ నుంచి మాత్రం ధురంధర్ 2కు ఎలాంటి ప్రశంసా దక్కలేదు. ఒకరిద్దరు తప్పించి పెద్దగా స్టార్ హీరోలు సైతం స్పందించలేదు. తాజాగా బాలీవుడ్ మిస్టర్ పర్ఫెక్ట్ అమీర్‌ఖాన్ చేసిన వ్యాఖ్యలు చర్చనీయాంశం అయ్యాయి.

ఓ ఈవెంట్‌లో పాల్గొనేందుకు వచ్చిన అమీర్‌ఖాన్‌ను మీడియా ప్రతినిధులు చుట్టుముట్టి.. ధురంధర్ 2 గురంచి అడిగారు. దానికి ఆయన స్పందిస్తూ.. తాను ధురంధర్ 2ను చూడలేదు, సినిమా బాగుందని ప్రశంసలు వస్తున్నాయి. అలాగే ధురంధర్ 2 యూనిట్‌కు శుభాకాంక్షలు తెలియజేస్తున్నానని అన్నారు అమీర్. దాంతో ఈ వ్యాఖ్యలు హిందీ చిత్ర పరిశ్రమలో చర్చనీయాంశం అవుతున్నాయి. విడుదలై వారం రోజులు గడుస్తున్నా ధురంధర్ 2 ఇంకా రిలీజ్ కాకపోవడం ఏంటీ? అంటూ కొందరు నెటిజన్లు కామెంట్స్ పెడుతున్నారు. 


నన్ను మీ సినిమాల్లో పెట్టుకోండి... డాక్టర్ రాజశేఖర్ ఆవేదన

 


ఎవరు ఏమనుకున్నా చిత్ర పరిశ్రమ సక్సెస్ వెంట పరిగెత్తుతుందనేది కాదనలేని వాస్తవం. ఎన్ని కష్టాలు ఎదురైనా, అవమానాలు ఎదుర్కొన్నా... మధ్యలో ఆగిపోకుండా చివరి వరకు పోరాడే వాడే ఇక్కడ నిలబడగలుగుతాడు. ఈ రన్నింగ్ రేసులో పరిగెత్తలేక మధ్యలోనే ఆగిపోయిన వారు బ్లాక్ అండ్ వైట్ ఎరా నుంచి నేటి వరకు ఎందరో. తమ ముందుతరాల వారి జీవితాలను దగ్గరి నుంచి చూసిన కొందరు నటులు మాత్రమే చివరి వరకు నటిస్తూ తమకంటూ కొన్ని పేజీలు లిఖించుకున్నారు.

హీరోలుగా చేసినవారు హీరోలుగానే చేయాలనే గిరి గీసుకుని కూర్చొంటే బండి నడవటం ఎంతో కష్టమని ఎన్నో ఉదాహరణలు. హీరోలుగా వైభవాన్ని చూసినవారు ఆ తర్వాత క్యారెక్టర్ ఆర్టిస్టులుగా, విలన్‌లుగా నటిస్తున్నారు. జగపతి బాబు, శ్రీకాంత్ తదితర నటులు ఫ్యామిలీ హీరోలుగా వెలుగొంది... ఒక స్టేజ్ తర్వాత క్యారెక్టర్ ఆర్టిస్ట్‌గా మారిపోయారు. ముఖ్యంగా జగపతి బాబు కాలానికి తగినట్లుగా తనను తాను మార్చుకున్నారు. పవర్ ఫుల్ విలన్‌గా, స్టైలీష్ ఫాదర్‌గా మెప్పిస్తూ దక్షిణాదిలో డిమాండ్ ఉన్న నటుడిగా నిలిచారు. 

తెలుగునాట యాంగ్రి యంగ్‌మెన్‌గా చరిత్ర సృష్టించి పవర్‌ఫుల్ పాత్రలకు కేరాఫ్‌గా నిలిచారు డాక్టర్ రాజశేఖర్. తమిళ నటుడే అయినా తెలుగు ప్రజలు ఆయన్ను ఆదరించారు. వందేమాతరం, ప్రతిఘటన, అంకుశం, మగాడు, తలంబ్రాలు, అల్లరి ప్రియుడు, మా అన్నయ్య, మనసున్న మారాజు, సింహరాశి, ఎవడైతే నాకేంటీ తదితర చిత్రాలతో స్టార్ హీరో అనిపించుకున్నారు. చిరంజీవి, బాలకృష్ణ, నాగార్జున, వెంకటేష్ వంటి స్టార్స్ తర్వాత టాలీవుడ్‌లో అంతటి ఫాలోయింగ్ ఉన్న నటుడిగా గుర్తింపు తెచ్చుకున్నారు రాజశేఖర్. 

అయితే ఇదంతా గతం.. ఇప్పుడు రాజశేఖర్‌ను పట్టించుకునేవారు లేరు. ఆయన హిట్ కొట్టి చాలాకాలమే అయ్యింది. ఆపరేషన్ గరుడ వేగతో తిరిగి పూర్వ వైభవం అందుకున్నట్లు కనిపించినా...  తర్వాత తీసిన కల్కి, అర్జున, దెయ్యం, శేఖర్, ఎక్స్‌ట్రార్డినరి మ్యాన్ చిత్రాలు డిజాస్టర్లుగా నిలిచాయి. ఆ తర్వాత అనారోగ్య సమస్యలు, ఇతర కారణాలతో రాజశేఖర్ సినిమాలకు దూరంగా ఉంటున్నారు. ప్రస్తుతం యంగ్ హీరో శర్వానంద్ నటిస్తోన్న బైకర్‌లో కీలకపాత్రలో పోషిస్తున్నారు రాజశేఖర్. 

యూవీ క్రియేషన్స్ బ్యానర్‌లో వంశీకృష్ణా రెడ్డి, ప్రమోద్ ఉప్పలపాటిలు బైకర్ చిత్రాన్ని నిర్మిస్తున్నారు. అభిలాష్ రెడ్డి కంకర దర్శకత్వం వహిస్తున్నారు. ఏప్రిల్ 3న ఈ సినిమా విడుదల కానుంది. స్పోర్ట్స్  బ్యాక్‌గ్రౌండ్‌లో తెరకెక్కుతోన్న బైకర్‌లో శర్వానంద్ రేసర్‌గా కనిసిస్తున్నారు. ఆయనకు తండ్రిగా రాజశేఖర్ కీలకపాత్ర పోషిస్తున్నారు. ఆదివారం హైదరాబాద్‌లో జరిగిన ఈ సినిమా ట్రైలర్ లాంచ్ కార్యక్రమంలో రాజశేఖర్ ఉద్వేగంగా ప్రసంగించారు.

ఈ సినిమా ఒప్పుకోవడానికి ముందు హీరోగానే  కాకుండా క్యారెక్టర్ రోల్స్ కూడా చేయాలని నిర్ణయించుకున్నా. అందరూ కథలు చెబుతున్నా.. నాకు సరైన సబ్జెక్ట్ రాలేదు. రెండేళ్ల లాంగ్ గ్యాప్ తర్వాత అభిలాష్ గారు ఈ సబ్జెక్ట్ చెప్పారు. ఈ కథ చాలా బాగా నచ్చింది.. శర్వానంద్ గారి సినిమాలో సెకండ్ హీరోగా అనుకున్నాను. కానీ తర్వాత నేను, జీవిత, నా పిల్లలు అందరం కలిసి మాట్లాడుకున్నాం.. మీరు చేయాలని అనుకుంటున్నారు, అలాగే ఉంటుంది కానీ చేయండని చెప్పి ఒప్పించారు. ఇటీవల సినిమాకు వెళ్లినప్పుడు మిమ్మల్ని తెరపై చూసి చాలాకాలం అయ్యింది.. మీ సినిమా ఎప్పుడు వస్తుందని అడిగారు. నెక్ట్స్ బైకర్ వస్తుంది.. నా సినిమా చూడండి అని చెప్పా. 

అందరూ శర్వానంద్ గారి సినిమానా? అని అడగటంతో కొంత ఇబ్బందిపడ్డా.. ఇదంతా నాకు కొత్తగా ఉన్నా, దిల్‌రాజు గారు, బన్నీవాసు గారు మాట్లాడటం చూస్తుంటే చాలా సంతోషంగా ఉంది. ఓ పక్క సెకండ్ లెవల్‌కి వెళ్లిపోయామే అనిపిస్తుంది.. మా అమ్మాయిలు ఒకటే అన్నారు, ఇంతకుముందు అలా ఉండేది, కానీ ఇప్పుడు అలా లేదని అందరూ ఒకటే. సెకండ్ లెవల్, థర్డ్ లెవల్ అని అనుకోవద్దని చెప్పడంతో అడ్జెస్ట్ అయిపోయా. ఎక్కువ సినిమాల్లో నన్ను పెట్టుకోండి.. మంచి క్యారెక్టర్స్ ఉంటే ఇవ్వండి. శర్వానంద్ గారు చాలా స్వీట్ పర్సన్. నిర్మాతలతో పాటు శర్వానంద్ గారు కూడా నన్ను హీరోగానే చూసుకున్నారు అని డాక్టర్ రాజశేఖర్ ఎమోషనల్ అయ్యారు. 


ఉస్తాద్ భగత్ సింగ్ బ్రేక్ఈవెన్ టార్గెట్ ఎంత? పవన్ మూవీకి ఎన్ని కోట్లు రావాలంటే?

 


ఆంధ్రప్రదేశ్ ఉపముఖ్యమంత్రి, పవర్‌స్టార్ పవన్ కళ్యాణ్ నటించిన ఉస్తాద్ భగత్ సింగ్ సినిమా మార్చి 19న వరల్డ్ వైడ్‌గా ప్రేక్షకుల ముందుకురానుంది. బాలీవుడ్ స్టార్ హీరో రణ్‌వీర్ సింగ్ నటిస్తోన్న ధురంధర్ 2 మూవీ రిలీజ్ కూడా ఇదే రోజు ఉండటంతో రెండు సినిమాల మధ్య బాక్సాఫీస్ వార్ నడుస్తోంది. 

ఓజీ తర్వాత పవన్ నటించిన సినిమా కావడంతో పాటు గబ్బర్ సింగ్ (2012) విడుదలైన 14 ఏళ్ల తర్వాత హరీశ్ శంకర్ దర్శకత్వంలో పవన్ కళ్యాణ్ నటించిన సినిమా కావడంతో ఉస్తాద్ భగత్ సింగ్‌ అందరి దృష్టిని ఆకర్షించింది. ముందుగా ఉస్తాద్‌ను మార్చి 26న విడుదల చేయాలని అనుకున్నారు. కానీ యష్ నటించిన టాక్సిక్ సినిమా విడుదల వాయిదాపడటంతో ఉస్తాద్ ఒక వారం ముందుకు జరిగి మార్చి 19న విడుదల అవుతోంది. 

మైత్రీ మూవీ మేకర్స్ పతాకంపై నవీన్ యెర్నెనీ, యలమంచిలి రవిశంకర్‌లు ఉస్తాద్ భగత్ సింగ్ సినిమాను 150 కోట్ల రూపాయల బడ్జెట్‌తో నిర్మించారు. రాశీ ఖన్నా, శ్రీలీలు హీరోయిన్లుగా నటించారు. తమిళ నటుడు పార్ధిబన్, అశుతోష్ రాణా, నవాబ్ షా, రాజీవ్ కనకాల, పోసాని కృష్ణమురళి, గౌతమి, చమ్మక్ చంద్ర, రావు రమేశ్‌లు ఇతర పాత్రలు పోషించారు. దేవిశ్రీప్రసాద్ సంగీతం, థమన్ బ్యాక్‌గ్రౌండ్ స్కోర్ అందించారు. అయనాంక బోస్ సినిమాటోగ్రఫి, కార్తీక్ శ్రీనివాస్ ఎడిటర్‌గా పనిచేశారు. 

ఉస్తాద్ భగత్ సింగ్ డిజిటల్ స్ట్రీమింగ్ రైట్స్‌ను తొలుత అమెజాన్ ప్రైమ్ వీడియో దక్కించుకోగా... లాస్ట్ మినిట్‌లో నెట్‌ఫ్లిక్స్ చేతికి ఇవి చిక్కాయి. ఉస్తాద్ భగత్ సింగ్ నైజాం థియేట్రికల్ రైట్స్ 46 కోట్ల రూపాయలు, సీడెడ్ థియేట్రికల్ రైట్స్ 15 కోట్ల రూపాయలు, ఉత్తరాంధ్ర థియేట్రికల్ రైట్స్ 13 కోట్ల రూపాయలు, కృష్ణా థియేట్రికల్ రైట్స్ 8 కోట్ల రూపాయలు, నెల్లూరు థియేట్రికల్ రైట్స్ 4.50 కోట్ల రూపాయలు, ఈస్ట్ గోదావరి థియేట్రికల్ రైట్స్ 9.50 కోట్ల రూపాయలు, వెస్ట్ గోదావరి థియేట్రికల్ రైట్స్ 7.50 కోట్ల రూపాయలు, గుంటూరు థియేట్రికల్ రైట్స్ 9.50 కోట్ల రూపాయలు, కర్ణాటక + రెస్టాఫ్ ఇండియా 7 కోట్ల రూపాయలు, ఓవర్సీస్ థియేట్రికల్ రైట్స్ 12 కోట్ల రూపాయలు కింద వరల్డ్ వైడ్‌గా 132 కోట్ల రూపాయల ప్రీ రిలీజ్ బిజినెస్ చేసింది. పవన్ కళ్యాణ్ మూవీ బ్రేక్ ఈవెన్ కావాలంటే 133 కోట్ల రూపాయల షేర్.. 270 కోట్ల రూపాయల  గ్రాస్ కలెక్షన్స్  తీసుకురావాలని ఫిలింనగర్ వర్గాలు చెబుతున్నాయి.  


కల్కి కోసం కమల్ హాసన్‌కు రికార్డ్ రెమ్యునరేషన్? 10 రోజులకు ఎన్ని కోట్లంటే?

నటనకే భాష్యం చెప్పిన మహానటుడు కమల్ హాసన్. భారతదేశం గర్వించదగ్గ మహానటుల్లో ఆయన కూడా ఒకరు. పాత్ర ఏదైనా పరకాయ ప్రవేశం చేసి తన నటనతో మాయజాలం చేస్తారు కమల్ హాసన్. కొత్తగా నటనా రంగంలోకి వచ్చే వారికి ఆయన చేసిన సినిమాలు ఓ గ్రంథాలయం అనడంలో అతిశయోక్తి లేదు. 70 ఏళ్ల వయసులోనూ కుర్రాళ్లతో సమానంగా సినిమాలు చేస్తూ దూసుకెళ్తున్నారు కమల్. రోటిన్ కమర్షియల్ సినిమాలకు భిన్నంగా, విభిన్నమైన కథలతో ముందుకొస్తారు కమల్ హాసన్.

ప్రస్తుతం కమల్ హాసన్ ఇండియన్ 3, కల్కి 2898 ఏడీ: పార్ట్ 2, కమల్ 237లతో పాటు రజనీకాంత్‌తో కలిసి ఓ చిత్రంలో నటిస్తున్నారు. అన్నింటిలోకి కమల్ నటిస్తోన్న కల్కి 2 మీదనే అందరిచూపు నెలకొంది. కల్కిలో సుప్రీం యాస్కిన్‌గా నెగిటివ్ రోల్‌లో నటిస్తున్నారు. స్వర్గం లాంటి కాంప్లెక్స్‌కు పాలకుడిగా.. ప్రాజెక్ట్ కే కోసం గర్భవతుల్ని చంపుతూ క్రూరంగా కనిపించారు కమల్. 

విభిన్నమైన గెటప్‌లో మరోసారి ఆయన మేజిక్ చేశారు. పార్ట్ 1లో కనిపించింది కొద్దిసేపే అయినా ఆకట్టుకున్నారు కమల్. అయితే కల్కి 2లో మాత్రం ప్రభాస్, అమితాబ్‌లతో ఢీ అంటే ఢీ అనేలా కమల్ హాసన్ రోల్ ఉండబోతోందని ఫిలింనగర్ వర్గాలు చెబుతున్నాయి. అయితే కల్కి 2898 ఏడీ కోసం ఈ నట దిగ్గజం అందుకున్న పారితోషికం గురించి ఓ వార్త సోషల్ మీడియాలో చక్కర్లు కొడుతోంది. ఈ వివరాల్లోకి వెళితే..

పాన్ ఇండియా స్టార్ ప్రభాస్ హీరోగా నాగ్ అశ్విన్ దర్శకత్వంలో తెరకెక్కిన మూవీ కల్కి 2898 ఏడీ. భారతీయ పురాణాలు, సైన్స్ ఫిక్సన్ కలయికగా నాగ్ అశ్విన్ ఈ చిత్రాన్ని తెరకెక్కించారు. దిగ్గజ నటులు కమల్ హాసన్, అమితాబ్ బచ్చన్‌తో పాటు శోభన, దీపికా పదుకొనె, రాజేంద్రప్రసాద్, దిశా పటానీ తదితరులు కల్కిలో నటించారు. వైజయంతి మూవీస్ బ్యానర్‌పై అశ్వినీదత్ నిర్మించిన ఈ చిత్రం 2024 జూన్ 27న ప్రేక్షకుల ముందుకొచ్చింది. థియేట్రికల్ రన్ ముగిసేసరికి వరల్డ్  వైడ్‌గా 1200 కోట్ల రూపాయలకు పైగా కలెక్షన్స్ వచ్చినట్లు ట్రేడ్ వర్గాల అంచనా.

ఇంతటి భారీ విజయం తర్వాత కల్కికి సీక్వెల్‌గా కల్కి 2ను తెరకెక్కించాలని వైజయంతి మూవీస్, దర్శకుడు నాగ్ అశ్విన్ ప్రణాళికలు రూపొందిస్తున్నారు. అయితే ఈ సినిమా నుంచి దీపిక పదుకొనె తప్పుకోవడం సంచలనం సృష్టించింది. ఆమె ప్లేస్‌లో సాయిపల్లవిని హీరోయిన్‌గా తీసుకుంటారనే ప్రచారం జరుగుతోంది. గత నెలలో కల్కి 2 షూటింగ్‌ను లాంఛనంగా ప్రారంభించింది చిత్ర యూనిట్. హైదరాబాద్‌లోని శంకర్‌పల్లి పరిసర ప్రాంతాల్లో కీలక సన్నివేశాలు చిత్రీకరిస్తున్నారు. త్వరలోనే కల్కి 2 సెట్‌లో ప్రభాస్ జాయిన్ కానున్నారు. 2027 సమ్మర్ లేదా దసరాకి కల్కి 2 ప్రేక్షకుల ముందుకు వచ్చే అవకాశం ఉందని ట్రేడ్ పండితులు అంచనా వేస్తున్నారు.

కాగా.. కల్కిలో నటీనటుల పారితోషికాలు అప్పట్లో హాట్ టాపిక్‌గా మారాయి. ప్రభాస్ 150 కోట్లు, అమితాబ్, దీపికా 20 కోట్ల రూపాయల రేంజ్‌లో పారితోషికం తీసుకున్నట్లుగా కథనాలు  వచ్చాయి. అయితే ఈ సినిమాకు సంబంధించి కమల్ హాసన్ అందరికంటే ఎక్కువ పారితోషికం తీసుకున్నారని చెబుతున్నారు తమిళ నటుడు యుగిసేతు. ఇటీవల ఓ ఛానెల్‌కు ఇచ్చిన ఇంటర్వ్యూలో ఆయన మాట్లాడుతూ.. కల్కి కోసం కమల్ 20 రోజుల కాల్షీట్లు ఇచ్చినట్లు ప్రచారం జరిగినా, అది 10 రోజులేనని తెలిసింది. అప్పటి వరకు కమల్ హాసన్‌కు రోజుకు 2 కోట్ల రూపాయల రెమ్యునరేషన్ ఇచ్చారని వార్తలు వచ్చాయి. 

కానీ ఆయనకు రోజుకు 15 కోట్ల రూపాయలను రెమ్యునరేషన్ కింద ముట్టజెప్పారు. దీని ప్రకారం 10 రోజులకు 150 కోట్లు అందుకున్నారు. తద్వారా దేశంలోనే అత్యధిక పారితోషికం తీసుకునే నటుడిగా కమల్ హాసన్ రికార్డు సృష్టించారని యుగిసేతు పేర్కొన్నారు. దీనికి సంబంధించిన వార్త గడిచిన కొద్దిరోజులుగా చక్కర్లు కొడుతోందని తెలిపారు.